SASCI atan committee din

Mizoram sorkar chuan State Level Committee on Special Assistance to State for Capital Investment (SASCI) a din thar a; SASCI hnuaia project kalpui turte an thlan bakah, a ṭul hunah SASCI hnuaia hnathawhte vilin an endik ṭhin ang.

State Level Committee on SASCI dinna thupek chu August 27, Thawhlehni tihchhuah a ni a; chairman atan Chief Minister, vice chairman atan Adviser to CM (Finance & Planning) leh member secretary Planning Secretary ruat a ni.

Committee member dangte chu - Finance aṭangin commissioner, secretary leh additional secretary te, Planning Adviser leh OSD to CM-te an ni a; minister leh secretary-te chu a ṭul hun atan special invitee-ah dah an ni bawk.