KHAWTHLIR

Kawng khâr dawn
Aizawl DC Dr Franklin Laltinkhuma chuan nimin khan hriattirna chhuahin, Rangvamual leimin ṭhin chu March 21, 2015 aṭangin thenfai leh tum a nih thu a puang. Hei hian March 21 aṭang thu leh awm hma chuan NH-44A chu zing dar 6 leh zan dar 8 inkarah lirthei tan tlan tlang theih a ni dawn lo a; MMV leh a aia tê lirtheite tan Sakawrtui­chhun kawng lamah tlân theih a ni ang.

Zonet TV-in chawimawi
Rangvamuala NH-44A kawnga lei min thenfaina hmuna duty, traffic police pahnih - John Zosangzela leh Zothankima-te chu an hnaa an rinawm avangin March 18, 2015 khan Zonet Cable TV chuan an chawimawi a, lawmmanah pawisa a hlan.

MCHTA conf
Nimin khan Mizoram CSS Hindi Teachers Association chuan Vanapa Hall-ah General Conference an hmang a, K Lalrintluanga, joint director of School Education chuan a hmanpui.

Thingse Road
Chawlhmun venga by-pass road, 'Thingse Road' tih chu nimin khan AMC chairman CT Zakhuma'n a hawng. He kawng hi AMC sum Rs. 4,03,000 hmanga siam a ni a, ft. 120-a thui, ft. 3-a zau a ni.

College enfiah
Aizawl Municipal Council Parking Committee leh Traffic Police-te chuan, Nilaini khan Aizawl­a college-te tlawhin, AMC Building Regulation-in a phût - lirthei dahna hmun an neih ṭhat leh ṭhat loh an enfiah. Lirthei dahna nei lo college-te chu a rang lama siam turin an hrilh.

MNYF president K Vanlalvena
MNF ṭhalai (MNYF) president atan K Vanlalvena ruat thar a ni. K Vanlalvena hian nimin khan MNYF president kal chhuak L Thangmawia hnen aṭangin Mizo Hnam Runah mawhphurhna a la.