Lunglei châwmtu tui lâkna hmun enfiah

National Rural Drinking Water & Sanitation Week pualin Lunglei additional DC Roṭhuama leh District Water & Sanitation Mission Committee (DWSMC) member-te chuan nimin khan Lunglei leh a chhehvel châwmtu tui lakna, Tlawng luia Pialthleng an enfiah.

Roṭhuama chuan, Lunglei leh a chheh­velah PHE hnuaiah tui connection nei mi 57,011 an awm mek tih sawiin, "Tuna tui khawl theihin a châwm zo tawh mang lo a, khua a ṭhâl chho zel avangin tui a tlem tial tial a, duhkhawpa tui pump tur leh sem tur pawh a awm tawh meuh lo," a ti a; chhung tinte'n renchem taka tui an hman a ngaih thu a sawi.

PHE superintending engineer H Duhkima sawi danin, tui pump chhuahna khawlin darkar khatah litre 3,80,000 a pump thei a, chutih laiin Tlawng lui hian tun dinhmunah darkar khatah litre 1,80,000 chauh pump tur a nei tawh a ni.