Compensation assessment copy an hâl

NH-54 Kawnpui-Buichali Land Holders Association chuan nimin khan Kawnpui-Buichali inkar siamnaa zangnadawmna siam dana an lungawi loh avang­in New Khamranga ABCI camp bulah compensation assesment copy an hâl a; an lungawina tura sorkarin hma a lak loh chuan March 23, 2015 aṭangin ABCI hnathawk tur dan an tum.

NH-54 a ram neitute chuan thuchhuah siamin, PWD (NH) Sub-Division-V in zangnadawmna atana an chhût chhuah chu an pawm thei lo tih an tarlang a, "Assessment neih ṭhat hi kan duh tawh lo a, November 2014-a PWD (NH), Revenue leh ram neitu kalkhawmin assessment an neih kha rin nghal ni rawh se," an ti.

NH-54-a ram neitute sawi danin, zangnadawmna dil theih thu puan a nihin Kolasib DC hnenah mi 87-in dilna an thehlut a, November 2014-ah PWD, Revenue leh ram neitute'n zangnadawmna dilna an endik chu PWD-in an pawm lo. Kumin March thla tirah endik nawn leh a ni a, ennawnna hi PWD-in an duh danin an chingfel a, Revenue department-ah hming ziak turin an thawn a ni.

Zangnadawmna chu a tirah chuan mi 87-in cheng nuai 264 an dawng tura tih a ni a, tunah chuan mi 65-in cheng nuai 66 dawng tura tih a ni.