Hmalakna puanzar dan tur ngaihtuah

Information & Public Relations (IPR) minister Lal Thanzara hoin nimin khan department hrang hranga media nodal officer-te CMO conference hall-ah an ṭhukhawm a, sorkar hmalaknate zau zawk puanzar dan tur an ngaihtuah.

Lal Thanzara chuan, department-te hnathawh leh hmalakna hrang hrangte mipuite hriat tura puanzara hrilhhriat chu sorkar bat a nih thu sawiin, "Puanzar a nih hian sorkar tan bawka ṭangkai tur a ni," a ti a; department-te chu an hnathawh puanzarna turin sum tam zawk ruahman turin a chah.

Publicity kawnga hmasawn turin thawhhona ṭha neih a pawi-mawh tih sawiin, IPR Minister chuan, "Department-te an maltlat chuan harsatna hrang hrang a awm thei a, intélkhawm erawh chuan awl-sam taka tih theih a tam. News-a puanzar piah lamah, sorkar hnathawh kalphung pawh mipuite'n zawhna leh hriat duh an nei ṭhin," a ti.

Meeting-ah hian principal sec-re-tary to chief minister Lal-ram Thanga, IPR secretary B Lalthanliana leh IPR director Jim K Chozah te pawh an tel a ni.