Facebook kaltlanga Hmeichhe zuar ṭhin man

Mizoram police-te chuan thuchhuah siamin, Facebook kaltlanga hmeichhe zuar ṭhin an man tih an tarlang a, 'The Immoral Traffic Prevention Act 1956' bawh-chhiatna a nih avangin thubuai siamsak a ni," an ti.

Mizoram police tarlan danin, June 2016 thla tawp khan Facebook-a group pakhatah mi pakhatin call girl zawrhna a post a, chu chu police-in an chhui chian hnuah a post tu leh thurualpui an man a, pawisa hlawhin hmeichhe awm ṭha duh lote chu an kawppui tur an zawnpui fo tih finfiah a ni.

Mizoram police-te chuan, hmeichhe zuar hria emaw, social media-a hmute chu CID (Crime) telephone no. 0389-2325753 ah hriattir vat turin mipuite an ngen.