Finance minister hoin hnathawh dan tur sawiho

Finance minister Lalsawta chuan nimin zing khan a bial chhung Armed Veng South a tlawh a; YMA Hall-ah khawtlang hruaitute leh tlawmngai pawl hrang hrangte nen hmasawnna hna thawh dan tur an sawiho.

Lalsawta chuan, sorkar hma-lak-na thar tur New Economic Deve-lopment Policy (NEDP) chungchang sawiin, "NLUP kaltlangin mi rethei chhungkaw tam tak khaichhuah an nih tawh hnuah, kum nga chhung atan policy thar NEDP duan a ni. NLUP kaltlangin mi kan ṭanpui a, NEDP-ah erawh chuan tángte kan pui dawn," a ti.

Finance Minister chuan, inkal-pawhna kawng link road-te siamin lo neitute mamawh inṭâwm, mimala lei zawh si loh, hmanraw lian tham leh khawl ṭhate leisakin an hman
ṭangkai theih tura chhawpchhuah an tum thu a sawi a, "Mizote hi hnam thatchhia kan ni lo tih hriain beiseina sang tak nen kan kal a ni," a ti a; thar chhuah chi hrang neih tam a, ngah tak tak loh ai chuan luhchilh bik neih a ṭha zawka an hriat thu a sawi.