Mt.Everest-a láwn chhuakte kâwm

MJA general headquarters chuan, nimin khan Aizawl Press Club-ah Mizo zinga Mt. Everest chhipa láwn chhuak pahnih, David Zohmangaiha, Republic Veng leh Lalrintluangi, Dawrpui Vengtharte kawmna hun an hmang a, thilpek an hlân nghal.

Mt. Everest-a láwn chhuakte nena inkawmhona hun hi MJA treasurer R Lalhmangaihzuala'n a kaihruai a, MJA aiawhin vice president Zonunsanga Khiangte-in thu a sawi. David Zohmangaiha leh Lalrintluangi ten Mt. Everest an lâwn dan chanchin an sawi a; chanchinbu mite'n an hriat duh thil chi hrang hrang an zawhte an chhang nghal a ni.