Serchhipah Anti Dengue Month hmang

Nimin khan Serchhip Chief Medical Officer pisa conference hall-ah Anti Dengue Month hman a ni a, Serchhip khaw chhunga MHIP branch hrang hrang aṭangin mi eng emaw zat an tel.

Anti Dengue Month puala inkhawm hi CMO Dr Laldawngliana Sailo-in a kaihruai a; JN Hospital-a Dr Lallawmzuala leh public health consultant Dr Zoramthara ten dengue natna chungchang, inkai chhawn theih dan leh a enkawl dante a lem nen a sawifiah.

Dengue natna hi aedes aegypti thosi, dengue natna hrik paiin mi a seh aṭanga kai theih a ni a, tlang hrilêng angin fûr laiin a puang chiam thei a, enkawl vat loh chuan thihpui thuai theih a nih thu an sawi.

Dengue natna hrik pai thosite hi mihring chen tamna hmunah an awm duh bik a, bûr ruak, bucket ruak leh pangpar khawina pot-ahte tuiin, an inthlah pung
ṭhin a, mihring thisen an duh bik a, chhûn lamah mi a seh deuh ber ṭhin.

Mizoramah chuan kum 2012
aṭang khan dengue hmuhchhuah a ni a, May 2016 thleng kan dengue vei mi 76 hmuh chhuah an ni tawh a, thihpui an la awm lo.