Champhai dist.-ah thubuai 110 ziak lut

Champhai district-ah kuminah May thla thleng khan police-te'n thubuai 110 an ziak lut tawh a, chungte chu IPC section hnuai case ziah luh 81 leh IPC ni lo dan dang hnuaia ziah luh case 29 a ni.

Champhai district-ah hian kumin January-May chhungin IPC hnuaiah tualthat thubuai pakhat ziah luh a ni a; thubuai an ziah luh zingah inrawkna thubuai pakua, rûkrûk thubuai 49, inbumna thubuai pakhat, insawisakna thubuai pakhat, lirtheia chetsualna pakhatte a tel.

Non-IPC case zingah, Arms Act-ah thubuai pahnih, NDPS Act hnuaiah thubuai 12, MLPC Act hnuaiah thubuai panga, POCSO Act thubuai 10-te a tel.