ACB-in mi 14 lakah case an ziak lut

Anti Corruption Bureau (ACB) chuan kumin chhungin thubuai pahnihah mi 14 lakah case an ziak lut tawh. Thubuai pahnihah hian mi pasarih lakah ve ve case ziah luh a ni.

ACB-te hian March 15, 2016 khan Ramhlun Sports Complex huam chhunga ram dan dik lo taka hralh leh in pek chungchangah mi pasarih lakah case an ziak lut a; mi pasarihte chu Ramhlun Sports Complex-a mi vek an ni.

Case register sakte chu - Parliana s/o L Thangpuia, H Lalringzova s/o Lalchungliana, Lalhuthanga s/o Rangchhinga, AZ Chalrivunga s/o HL Phira, Johny Lalbiakdika s/o Lalkhawsiama, Lalramsanga s/o Nohranga leh Zalara s/o Zakunga te an ni.

June 6, 2016 khan ACB-te chuan Raichhawk zau Watershed Project atana sum ruahman tihchingpen chung-changah mi pasarih lakah thubuai an ziak lut bawk a; thubuai an ziah luhnaa hming langte chu Raichhawk zau Watershed Committee-a tel vek an ni.

Thubuai an ziah luh sakte chu - chair-man Lalnunzira, secretary K Lawmawma bakah member panga - Lalthangvunga, Hranglura, Hrangmawia, Lalhmuchhuaka leh T Lalthlengliana te an ni.