Vairengteah END an duty leh tawh

Covid-19 lêng vanga hun eng emaw chen Vairengte checkgate-a an duty tawh loh hnuin Excise & Narcotics department (END) staff-te chu December 4, 2020 zing dar 9 aṭangin an duty leh ṭan.

Covid-19 avangin END staff-te chu an checkgate-ah an duty thei lo reng a, thil ṭul dang hrang hrangah chhawr an ni. Checkgate-ah duty lo mah se, ruihhlo tawlhrûk tum leh ruihhlo lâk luh rûk tumte an vâi reng a, YMA-in an mante chu END hnenah hlan ṭhin niin, anni'n a ṭul angin an buaipui ṭhin.

Vairengte aṭanga thu dawn danin, END-te chu checkgate-ah duty leh tawh mah se, tun hma ang chuan hripui avangin lirtheite an endik thei lo. Chutih rualin, zu leh ruihhlo man erawh an nei ve reng thung.