Thawhhona a that chuan ram siamthatnaah Nasa zawka hmasawn theih a ni - CM Hawla

Chief minister Lal Than-hawla chuan kohhran leh tlawmngai pawlten a chhe lai siam ṭhat kawngah sorkar tha an tihchak chuan Zoram siam-
ṭhatna kawngah nasa zawka hmasawn theih a nih tur thu a sawi.

Serchhip Town area chhunga Mizo Hmeichhe Insuih-khawm Pawl (MHIP) branch hrang hrangte'n nimina New Serchhip YMA hall-ah MHIP Day an lawmnaah thu sawiin Chief Minister chuan, "Mizo-ram hmasawnna kawng hrang hranga tlawmngai pawlte inpekna leh hnathawh leh koh-hrante uapna a fakawm. Kohhran leh tlawmngai pawl-ten a chhe lai siamṭhat kawng-ah sorkar tha an tih chak a, phei-khai rual taka ke kan pen chuan Zoram siamṭhatna kawngah nasa takin hma kan sawn thei dawn a ni," a ti.

Lal Thanhawla chuan nuho pawimawhna sawiin, "Nu ten chhungkaw nun an kaihhruai ṭhat chuan khawtlang nun a
ṭha a, chu chuan kohhran nun a tichakin kawng tinrengin hma kan sawn thei a, siam thatu pawimawh berte zing a mi an ni," a ti a, kawng engkimah an fate leh khawtlang tan malsawmnna ni chunga entawntlak ni ṭheuh turin MHIP member kalkhawmte chu a sawm.

Ringtu ni chunga vaihlo hman, zuk leh hmuam, cancer natna leh HIV/AIDS lama Mizoram dinhmun sang lutuk chu a chhuanawm lo hle tih sawi-in, "Heng thil - min ti hrisel lotu, kan nun titawitu leh mi tirethei tute thunun a, Mizo Kris-tian nun aṭanga heng thil ṭha lote umbo a nih theih nan nuhote hian a bik takin in theihna apiangah engtin nge hma ka lak ve theih ang tih in ngaihtuah a, theihtawp chhuaha hma kan lak tlan a pawimawh a ni," a ti.

Serchhip Town MHIP branch hrang hrangte Chief Minister nupui Lal Riliani hnenah zuk leh hmuam dona kawnga a inpekna leh a hnathawh leh Mizo incheina chawikan kawnga a hnathawh ṭhat avangin chawi-mawina thuziak an hlan.

MHIP Day vawi 42-na lawmna hi IOC branch presi--dent Sanghmingliani'n kai-hruaiin, NPTC district con-sultant Dr. Zohmingsanga chuan zuk leh hmuam ṭhat lozia a lem nen a sawifiah.