Sorkarin hmeichhiate a duhsak : SWD Minister

Social Welfare minis-ter PC Lalthanliana chuan, Congress party-in sorkarna an chelh chhung-in hmeichhiate hum-halhna leh an chanvo bik turah duhsakna tam tak pek an nih thu a sawi.

Nimina Pangzawl Joint MHIP-in MHIP Day an lawmna a hmanpuinaah PC Lalthanliana chuan, "Zoramah a bik takin tun sorkar hun chhungin hmeichhe humhalhna leh a bika an chanvo duhsakna tam tak kan hmu. AMC, VC leh local council-ahte hmeichhe quota siam a ni a, heng hmeichhe chanvo tha leh din hmun chawisante hian hmeichhe tana hna ṭangkai nasa taka an thawh kan beisei," a ti.

Social Welfare Minis-ter chuan, hmeichhiate chu chhungkuaa mi pawimawh berte an nih thu sawiin, khawtlang leh ram siamnaah pawh hmun pawimawh luahtu an nih thu a sawi a; eng lai pawhin an dinhmun pawimawhzia hre reng turin a chah.

Minister PC Lal-than-liana hian Pangzawl Joint MHIP hnenah Rs. 20,000 pe a, Pangzawl khuaa MHIP branch parukte Rs. 1,000 ṭheuh a pe bawk.