Lunglei Zotlanga fire station hmun tur sâmfai

Lunglei Zotlanga fire station atana T Zorem-siama'n ram a pekah Chhim-bial Chhantu chuan nimin khan samfai hna-tlang an huaihawt a, sign-board an tár nghal.

Chhimbial Chhantu secretary Chawng-chhuana Chawngthu sawi danin, Lunglei Zo-tlanga fire station leh a kaih-hnawih dangte sakna tur sum chu ram leina atan pawhpên a rem loh avang-in ram ngaihtuah turin Lunglei HPC-a Chief Planning Officer chu March 27, 2014-ah ngen a ni a, mahse an hmuh loh thu hotute hnenah an thlen.

Chuvang chuan, Lung-leia fire station sak-na tur sum chu hmun dangah pawhpên a ni a; Chhimbial Chhantu chuan hma lain, fire station thar din a nih ngei theih nan hma an la a, T Zoremsiama, Zotlang chuan World Bank kawngpui âna a ram chu a pe a ni.

Lunglei hmar lama fire station siamna tur hian 13th Finance Commission aṭangin Fire Station-cum Staff Quarters, Water Reservoir and Fencing atan cheng nuai 220 hmuh a ni a; a hmun tur nimina sâmfai hnatlangah hian mi 30 vel an thawk chhuak a ni.