Remna Ni 2016 lawm dan thlir lêt

Lungleia Remna Ni Organising Committee chu July 5 khan YMA sub-headquarters office conference hall-ah ṭhukhawmin, kumin Remna Ni lawm nan an thlir let. Champhaia Remna Ni Organising Committee pawhin July 5 khan Remna Ni review meeting an nei bawk.

Lungleia Remna Ni review meeting hi Lunglei YMA sub-hqrs. president leh Organizing Com-mittee chairman R Lalnunthara'n a kaihruai a; report hrang hrang pek niin, Remna Ni lawm dan chu hlawtling an ti a, "Remna Ni hman leh zelna turah YMA kaihhruainain hman zel ni thei se," an ti.

Champhaia Remna Ni Orga-nising Committee chu sub-hqrs. YMA conference hall-ah ṭhu-khawmin, president C Lalbiak-zau-va'n a kaihruai a; Champhaia Remna Ni an lawm zawh tak chu a hlawhtling thawhkhata an hriat thu an tarlang.

Kum lo kal leh tura Remna Ni hman leh a nih dawn hunah chuan a hmunhma ṭha zawk ngaihtuah tawh ni se, an ti a; sum indaih lohna Rs. 39,700 chu YMA sub-hqrs. office bearer-te'n a phuhrûk dan tur lo zawng se, an ti bawk. Champhaia Remna Ni hman nan hian Champhai district chhunga MLA pathum TT Zothansanga, JH Roṭhuama leh T Sangkunga ten sub-hqrs. YMA hnenah sum an pe a, Lalrinliana Sailo leh H Rohluna ten an bial chhunga YMA group-te hnenah an pe thung.