Dâwt sâwiah Tawnluia puh

Congress ṭhalai chuan thuchhuah siamin, July 4, 2016-a Mizo Hnam Run inkhawmah MNF senior vice president Tawnluia'n Mizoram buaina chhanah Assam chief minister Chaliha a puh niin an tarlang a, "Ṭhangtharte hriat atana thu felhlel tak a sawi chhuah hi sût leh se kan ti," an ti.

MPYCC chuan, "Pu Laldenga ten inbiak an duh laia Chaliha-a'n sipai a tirh luh tak vanga Mizoram buai anga Tawnluia'n a sawi hi pawi kan ti. March 1, 1966-a Zoram zalenna puan a nih hma December 1964 khan hnam sipaite'n East Pakistan panin indo zirin an kal daih tawh a, ralthuam ṭhahnem tak an rawn hawn a, April 1965 khan ralthuam phurin an kal nawn leh a ni," an ti a; Tawnluia chu politics awmzia hre loah an puh.