Mizoramah HIV positive 11,001 awm Thla 14 chhungin HIV+ve mi 1,364-in pung

October 1990-a Mizorama HIV hrik pai hmuh chhuah a nih aṭanga December 2015 thleng khan Mizoramah thisen 3,43,687 enfiah tawhah HIV hrik pai mi 11,001 hmuh chhuah a ni tawh a; HIV/AIDS vangin mi 1,162 an thi tawh. Thla 14 chhung, October 2014 leh December 2015 inkarah HIV hrik pai hmuhchhuah mi 1,364 leh HIV/AIDS vanga thi mi 575 an awm.

Mizoram State AIDS Con-trol Society (MSACS) tarlan danin, Mizorama HIV hrik pai hmuhchhuah tawh mi 11,001-te hi mipa 6,930 leh hmeichhia 4,071 an ni a; mipat hmeichhiatna hman aṭanga kái tam berin, a vei zawng zawng zinga 7,650 (69.25%) an ni.

Mipat hmeichhiatna aṭang-a kai hi mipa 4,299 leh hmei-chhia 3,351 an awm a; ruihhlo/damdawia inchiu aṭanga kai mipa 2,283 leh hmeichhia 407 awmin, an vaiin 2,690 an ni a, chu chu kai zawng zawng aṭangin 24.45% an ni.

Nu aṭanga kai mipa 195 leh hmeichhia 203, an vaiin mi 398 (3.59%) an awm a; kai chhan hriat loh mipa 153 leh hmeichhia 110, an vaiin mi 263 (2.51%) an awm.

MSACS chhinchhiah danin, October 2014 hmalam khan HIV hrik pâi mi 9,637 hmu chhuak tawhin, AIDS vangin mi 587 an thi tawh. Thla 14 chhung, October 2014 leh December 2015 inkarah HIV hrik pai hmuhchhuah mi 1,364 an awm a, HIV/AIDS vanga thi mi 575 an awm tihna a ni.

Thla 14 chhungin mipat hmeichhiatna aṭangin HIV hrik pai hmuhchhuah thar mipa 631 leh hmeichiia 384, an vaiin mi 1,015 an awm a; inchiuna aṭanga kai thar mipa 246 leh hmeichhia 50, an vaiin mi 296 an awm. Nu aṭanga kai mipa 23 leh hmeichhia 21, an vaiin mi 44 an awm bawk.

MSACS record hi Integrated Counseling and Testing Centre (ICTC) hrang hranga enfiahte bik aṭanga lakkhawm a ni a; mi pakhat enfiah nawn an awm ṭhin avangin, thisen enfiah zat hi chu mihring zat dik tak a ni lo.

HIV kai zat leh kai chhan

Kai chan Mipa Hmeichhia Total Percentage

Mipat hmeichhiatna 4,299 3,351 7,650 69.25%

Inchiuna 2,283 407 2,690 69.25%

Nu aṭangin 195 203 398 3.59%

Chhan hriat loh 153 110 263 2.51%

BELHKHAWM 6,930 4,071 11,001 100%

HIV kaite kum zat

Kum Mipa Hmeichhia Total

Kum 14 aia naupang 207 218 425

Kum 15-24 1,400 996 2,396

Kum 25-34 3,071 1,560 4,631

Kum 35-49 1,909 1,129 3,038

Kum 50 chung lam 343 167 510

Chiang lo 0 1 1