Free wifi atan tender chhuah hnai

Aizawl Municipal Corporation (AMC) chuan Aizawl khawpui chhunga free wifi buai-puitu tur thlanna atan tender chhuah a tum hnai.

AMC hotute hnen aṭanga Vanglaini thu dawn danin, free wifi bun a nih theihna atan hian technical thil ṭul hrang hrang buai-pui a ni a, tunah hian free wifi kalpuitu tur thlanna atan tender chhuah tura ruahmanna kalpui mek a ni. Aizawl khawpui chhunga free wifi bun hi kumin chhung ngeiin AMC chuan peihfel an tum.

Zawhna chhangin AMC hotute chuan, "Kan tum ang hian kumin chhung ngeia free wifi hi peihfel theih kan inbeisei. Thil harsa lutuk a awm tawh lo turah kan ngai," an ti.

AMC hian free wifi bunna tur hmun a thuphungin an thlang tawh a, an thlan chhin ṭhen-khatte chu - Bawng^-kawn, Chanmari, Millennium Centre, Treasury Square leh Sikulpuikawn-te a ni.

Free wifi hi zirlaite'n hmang ṭangkai se tih chu an duh dan a ni tih sawiin AMC hotute chuan, college hnaih deuh, zirlaite'n an hman ṭangkai theihna hmun tur chu free wifi bunna atana an tinzawn ber a nih thu Vanglaini an hrilh.