Kum 2015-a khaw lum ber ni July 29 Kum 2015-ah ruahtui mm. 2,179.8 a tla

Kum 2015 chhung khan July 29-ah khua a lum ber a, January 20 leh December 22-te chu khaw vawh ber ní a ni thung. Kum 2015 chhunga Mizorama ruahtui tla zat chu milimeter 2,179.8 a ni.

Economics & Statistics department-in tun hnaia Meteorological Data of Mizoram 2015 a tih-chhuaha a lan danin, kum 2015 chhunga khaw vawh ber ní, January 20 leh December 22-ahte hian temperature chu Celcuis degree 5.1 ve ve a ni a, a lum ber ni, July 29-a tem-pe-rature erawh tarlan a ni lo.

Meteorological Data of Mizoram 2015-a a lan danin, kum 2015 chhunga boruak lum dan chawhrualin, April thlaah a lum ber a, April thlaa temperature chawhrual chu Celcius degree 34.1 a ni.

February thlaa tem-perature chawhrual a hniam ber a, degree 5C a ni a; a dawttu chu January leh December thla niin, temperature chawhrual chu 5.1C a ni.

Kum 2015 chhungin Mizoramah ruahtui mm. 2,179.8 a tla a; ruahsur tam ber thla chu July niin, ruahtui mm. 481,.9 a tla a; a tlak tlem ber thla December-ah mm. 1.5 a tla thung. Kum khat chhunga ruahtui tla zawng zawng zinga 62.88% chu thla li chhung, May leh August inkara tla a ni.

Ruahtui tla zat teh-na hi Aizawl, Mamit leh Champhai district-ahte hmun pali ṭheuhah dah a ni a; Lunglei leh Kolasib district-ah hmun pathumah, Lawngtlai district-ah hmun pahnihah leh Saiha leh Serchhip district-ah hmun pakhatah ve ve dah a ni.

Kum 2015 chhunga ruahtui tlak tamna ber district chu Lunglei district niin, mm. 254.1 a tla a, a tlak tlemna ber lawngtlai district-ah mm. 132.2 a tla a ni.

Kum 5 chhunga ruahtui tlak dan

(Figure in milimeter)

# Kum 2011 2012 2013 2014 2015

1. January 13.7 11.5 - - 10.2

2. February 2.1 17.6 1.46 21.8 6.3

3. March 83.4 19.2 4.7 23.9 31.5

4. April 105.3 302.3 65.60 22.7 281

5. May 422.3 209.7 499.3 304.3 146.3

6. June 439.0 456.7 293.1 381.7 298.2

7. July 372.9 264.0 351.9 307.8 481.9

8. August 547.9 401.8 519.9 297.9 444.2

9. September 374.2 355.0 476.0 325.6 296.2

10. October 165.8 195.0 209.2 130.9 175.4

11. November 0.4 54.8 1.3 4.4 7

12. December 0.1 0.0 - 0.2 1.5

TOTAL 2,527.1 2,287.6 2,422.46 1,821.2 2,179.8

Note: Kum 2011, 2012, 2013 leh 2014-a ruahtui tla zat belhkhawm belhkhawm hi Meteorological Data of Mizoram 2015 an ti dik lo niin a lang. Kum khata ruahtui tla zat belhkhawm an tarlan chu - kum 2011-ah 210.5, kum 2012-ah 190.6, kum 2013-ah 201.9 leh kum 2014-ah 151.7 a ni.