Kawng siamtute la dang zel

Lawngtlai District Land Owners Association (LDLOA) chuan, Kaladan Multi Modal Transit Transport Project (KMMTTP) kawngpui siam meka ram laka zangnadawmna pek thuai phûta June 1, 2016 aṭang hna thawktute an dan chu nimin thleng khan an la chhunzawm zel.

Lawngtlai aṭanga thu dawn danin, LDLOA-in kawng siamtute an dan avang hian hna thawh chhunzawm a ni lo zel a; hna thawh a nih loh vangin hnathawh kal lai, thawh zawh hman a nih loh vanga ruahsur leh leiminin a tihchhiat leh te, tuihâwk luankawr leivungin a hnawhte siam theih a ni lo a; kawngin a tawrh phah hle a ni.

Zawhna chhangin hna thawktute chuan, "Thawh zawh lohte pawh kan thawh chhunzawm theih loh avang-in hnathawh ṭhat ngai eng emaw zat a awm ang. Chu bakah kan hnathawh zawh hun tura ruahmanna kan siamah kan zawh loh phah a hlauhawm hle," an ti.