Training chhuakte certifcate hlan

Mizoram Youth Commission (MYC) leh DoNER ṭangkawpin an buatsaih skill training programme zir chhuak mi 52 hnenah nimin khan MYC training hall-ah certficate hlan a ni a, minister Lal Thanzara'n a hmanpui.

Lal Thanzara chuan, training zote chu an thil zirte hnathawhnaah an ṭanpui ngei a beisei thu sawiin, "Hna thawhnaah tumruhna, ṭhahnem-ngaihna leh huaisenna nen thawk a, Mizo hnam tihmingṭha zawnga awm turin theihtawp chhuah ang che u. Hlawhtling tur chuan teirei peih a ngai," a ti a; sorkarin ṭhalaite tan infiamna leh hna zawnna lamah theihtawp a chhuah thu a sawi.

Inkhawm hi MYC member Rengmaia'n a kaihruai a; MYC chairman T Sangkunga, MLA pawhin skill training leh ṭhalaite tana hna zawnna lama an hmalakna hrang hrangte a sawi.

Skill training programme-a zir chhuak mi 52-te hi Jet Airways, ITC Grand Central (Mumbai), Hilton Shillim Estate Retreat & Spa (Pune), Marriott (Hyderabad), The Park (Kolkata), JW Marriott Aerocity (New Delhi) leh Holiday Inn (Goa)-ahte an thawk dawn a ni.