SEC-in lawmthu an sawi

State Election Commission (SEC) chuan thuchhuah siamin, village council leh local council inthlan tluang taka zawh a nih avangin inthlana mawhphurtu zawng zawng chungah an lawm hle tih an tarlang.

VC hun a tàwp dawn avangin Covid-19 léng karah inthlan buatsaih a ṭul nia tarlangin SEC chuan, "Central YMA leh MPF te, Mizoram sorkarin Standard Operating Procedure (SOP) a siam te, SEC leh DEO-in kaihhruaina an siamte tihlawhtling tura thawhpuiah sàwm an ni. Mipui himna tur pawimawhzia hre rengin an thâ leh zung, hun hlu tak séngin task force-te nen thawk hoin ruahmanna siamin, veng tinah inthlan an buaipui a, mipui pawhin ruahmannate an zâwm ṭha hlein a lang," an ti.

SEC chuan, VC leh LC member atana thlan thar zawng zawngte lawmpuina hlânin, hripui léng kara vote thlaktu zawng zawngte hnenah lawmthu an sawi a ni.