DC-in kalkawng danna tihchhiattir

Kolasib DC H Lalengmawia chuan Hortoki bula rel kawng siam hna thawkte kalkawng, Dilzau kawnga lo leh huan neitute'n an dansak chu July 6, 2016 khan police-te a tihchhiattir.

Vawiin chhun khan Kolasib Bawrhsap chuan Hortoki bula rel kawng siam hna thawktute, Dilzau kawnga lo leh huan neitute'n an kalkawng an lo dansak chu titawp tura a tih hnuah, a hmunah a kalin sipaite a tihchhiattir a ni.

Lo leh huan neitute chuan, Hortoki leh Dilzau inkara North East Frontier Railways hnathawkte'n lo neitute châk lakna kawng an rap chhe nasa nia sawiin, July 4, 2016 khan hna thawktute chu an kawng an dansak a ni. He thu hi hriat a nih veleh Kolasib DC chuan kawng dan titawp turin ziakin a hriattir a, mahse, thu an zawm loh avangin police-te a tihchhiattir ta a ni.

Kolasib DC chuan, lo neitute chu Hortoki VCP inah kâwm nghalin, an harsatnate a sawipui. Lo neitute chuan, kawng chu siam tura NEF Railways-te'n an intiam avangin siam ṭha ngei tura an phût thu an sawi chu chhangin, DC chuan, fûr chhung chuan siam theih a nih loh tur thu leh hnathawktute pawhin mipuite harsatna hrethiama siam ngei an tum thu a hrilh.