Model village chungchang sawiho

Siaha District Level Committee on Vidhyak Adharsh Gram Yojana chu nimin khan an chairman Hiphei, Assembly speaker hoin an ṭhukhawm a; Siaha district-a model village pahnih Serkawr leh Tuisumpui khuaa sorkar hmalakna leh hmachhawp hrang hrangte an thlirho.

Meeting-ah hian khaw pahnih aṭanga VCP panga-te'n an khaw chhung-a sorkar hmalak tawhna te, hmalak la ṭulna hrang hrangte leh khawtlang mipui leh V/C-te'n model village ni tlak khua ni tura an hmalak-nate an tarlang.

Serkawr khuaa high school-in headmaster rei tak a neih tawh lo thu te, peon/IV grade chu kum 10 chuang an neih tawh lo thu te, VFA kum 20 chuang an nei tawh lo thu te, anganwadi awm loh thu te, Tuisumpui khuaa inkal-pawhna kawng ṭha a awm loh thu te, sub-centre awm lo thu te, community hall leh V/C Court House siamṭhat ngaite sawi lan a ni.

Serkawr hi Palak bialtu MLA Hi-pheia'n model village atana a thlan a ni a, Tuisumpui hi Saiha bialtu MLA-in model village atana a thlan a ni thung.