Myanmar hel biain Thailand-ah Zorama a palai

MNF president Zoramthanga chuan Myanmar sorkar leh an rama hel pawlte inkara remna palai hna thawkin tunkar chhung khan Thailand-ah hun a hmang a; naktuk hian India rama a rawn let beisei a ni.

Thu dawn danin, Zoramthanga hi Chiangmai, Thailand-ah Myanmar rama hel pawl Inzawmkhawm pawl hruaitute nen an inkâwm a; July 7, 2016 khan United Nation Federal Council hnuaia ENAC buatsaih workshop-ah telin, thu a sawi.

Zoramthanga'n a kawm Myan-mar hel pawlte hi pawl 17 vel an ni a; chu'ng zingah chuan Chin, Kachin, Karen, Wa, Shan, Arakan hel pawl leh a dangte an tel. He inbiakna hi October 2015-a Myanmar sorkar hel pawlte inkahhaina thuthlung siam tawh bawhzuina tur leh inkahhai chhunga inbiak theihna tura a bul ṭanna a ni.