Dan loa thawktu laah puh

Central Mizoram Chakma Students Union leh Central Young Chakma Association chuan, Chakma Autonomous District Council-a chief executive member Kali Kumar Tongchangya chu September 2015 aṭangin dan kalha a duhsak zawng mi 40 vel contract-a hna thawk tur la tharah an puh.

CMCSU leh CYCA-te chuan, CADC-a hna thawk tur, 4th Grade leh muster roll laknaah advertisement chhuah a ni lo a, personal interview pawh a awm lo niin an tarlang. Dan loa CADC-a thawk tur lakte chu bàn nghal turin CEM an phût a; ni sarih chhunga tihhlawhtlin a nih loh chuan na zawka bawhzui an tum thu an sawi.