Transmitter chhia la siamṭha lo

Aizawl khawpuia chhuah lam veng eng emaw zat châwmtu, Mualpuia 33KV Power sub-station-a 6.3 MVA transmitter chhia chu thlak tura buaipui zel a ni. Transmitter chhia vang hian veng tam tak chu a inchhâwkin kawl-phetha pek ṭhin an ni.

Power & Electricity executive engineer C Lallawmsanga sawi danin, an tum anga thil a kal tluan chuan transmitter chhia hi vawi-in tlai lamah siam-
ṭhat theih beisei a ni a, siamṭhat veleh a châwm veng hrang hrangte kawlphetha pek leh nghal tum a ni.

Mualpuia 33KV sub-station-a transformer lian pahnih zinga pakhat hi July 3, 2016 chawhnu khan a chhia a, siam ṭhat mai theih nih loh avangin Maumual sub-station-a transformer thar bun tur chu hman phawt a ni a, a rih em avangin ṭhiah darh a, phurh thlen a ni. Hei vang hian July 3 aṭang khan Aizawl chhuah lam vengte chu kawlphetha a inchhawka pek ṭhin a ni.