Kolasib-ah PRRS Inhrilhhriatna buatsaih

AH&Vety department chuan, nimin khan Ko-la-sib-a an hmunah PRRS chungchanga in-hrilh-hriatna leh inzirtirna hun an buatsaih a, Kolasib DC H Lalengmawia'n a hmanpui.

H Lalengmawia chuan, Mizote'n doctor leh mithiam zawkte an ráwn hreh ṭhin nia sawiin, "Tualchhunga damdawi leh tawnhriat lo nei ve tawhte thusawi kan ring zawk a, hei vang hian harsatna kan tawk fo. Thiamna neia zir chhuakte kutah kan innghaha kan rin chuan har-satna lian kan tawh tur pawh kan pum-pelh ṭhin," a ti.

Kolasib DVO C Lal-rintluanga tarlan danin, Kolasib district hi PRSS-ah a la fihlim a, vawk natna nei sample 20 endik tura thawnah PRRS kai hmuh a ni lo. Tunah hian sample 53 endik turin thawn leh mek a ni.

Training-ah hian vawk vulhtute thlan chhuahte leh YMA branch leh V/C aiawhin mi pakhat ṭheuh an tel.