Jail aṭangin tlan chhuak

Tualthah thubuai avanga Central Jail-a táng mek Lalrindika (26), West Lungdar khua chu Inrinni zing dar 8:30 vel khan Central Jail aṭangin a tlan chhuak.

Thudawn danin, Lalrindika hi bangah lawn liamin jail aṭangin hian a tlan chhuak a, a tlan chhuah lai hian chhum a zin pik avangin hmuh a har deuh nia hriat a ni.

Lalrindika hi a unaupa (cousin) kahhlum thubuai avangin kumin kumtir khan man a ni a, a thubuai hi Court-ah ngaihtuah mek a ni.

Police aṭanga thudawn danin, Lalrindika hi ngo lam deuh, feet 5.5 bawr vela sang, a ban vei lama tattoo nei, a mitko veilama ser nei a ni. Hetiang mi lo hmu leh a awmna chin hriate chu an awmna aṭanga Police Station hnai berah hriattir turin police-te chuan mipuite an ngen.