SRS ruihhlo man hal ral

Central YMA hnuaia ruih-hlo dotu pawl SRS-in thla li chhunga ruihhlo an man khawm Rs.1,03,31,000 man vel chu Inrinni zing khan CYMA office tualah Salvation Army Territo-rial Commander, commissioner Lalngaih-awmi'n a hal ral.

Ruihhlo hal ral puala inkhawm tawi buatsaihah Lalngaihawmi chuan, SRS-te hnathawh chu Pathian hriatpui leh Setana ram zauh tumna do letna a nih avangin Salvation Army-in theihtawp chhuaha ṭawngṭainaah an puih ṭhin thu sawiin, SRS-te hnathawh zelna atan pawisa a hlan.

CYMA president Lal-biakzuala pawhin thu sawiin, "Zu phal rai a nih hnuah ruihhlo a tlem phah chuang lo chauh ni loin, a pun phah nia hriat a ni. SRS te hnathawh hi Pathian programme ni lo sela chuan hetiang taka an thawh ṭhat ka ring lo," a ti.

Inkhawma tarlan a nih danin, SRS-te hian kumin March
aṭanga June inkarah khan, ruihhlo kaihhnawiha inhnamhnawih mi 589 an man a, an zinga mi 50 chu home leh centre-ah dah an ni a, excise kutah mi 12, police kutah mi 7 hlan an ni a, mi 442 chu counselling pek an ni.