KMMTTP hnathawktu dan titawp

Lawngtlai District Land Owners Associa-tion-te'n zangnadawmna pek an phut avanga Kaldan Multi Modal Transit Transport Project (KMMTTP) kawng siam hna thawktute June 1, 2016 aṭanga an dan chu Lawngtlai DC Dr. A Muthamma ngenna avangin July 8 aṭang khan an ti tawo.

Thudawn danin, Kaladan Multi Modal Transit Transport Project kawng siamna atan hian hian mimal ram eng emawzat lak a ni a, chung zingah chuan a tira enfiahnaa ram neitu dik tak nia hriat mi 165 chu zangnadawmna Rs. 9,27,00,000 pek an ni tawh. A tira ram nei nia insawi ni lo, mi dang 800 velin ram nei nia an insawi leh tak avangin an ram neihna lehkha leh an ram nia sawite chu ACB chhuitir a ni a, a diltu mi 800 zinga a zatve vel dilna chu enfiah tlaka ngaiin a enfiah a ni.

Enfiah a nih hnu hian report kimchang chu Lawngtlai DC leh Reve-nue dept.-ah thehluh a ni a, sorkarin a tih turte a la tih fel loh avangin PWD hotute chuan zangna-dawmna pek tur chu an la pe chhuak thei rih lo a ni.