Covid-19 vei hmuh thar 27 zingah Mizorama kái 24, symptom nei 21

Aizawl khawpui chhung mai bakah, district dangah pawh kàina hriat loha hripui kái hmuh chhuah an awm ta zauh zauh a; chutiang chu Thawhṭanni khan Serchhip leh Lawngtlaiah pahnih ve ve hmuh chhuah a ni.

Lawngtlai district-a mi pahnihte chu - Lawngtlai College Venga cheng ve ve - mipa kum 15 leh hmeichhia kum 20 (permanent address Saikah 'U'), symptom nei lo an ni a; zirlai sikul kal ṭan tur, a huhoa endik zinga mi niin, an kai chhan hriat a ni lo.