Home Minister Lalchamliana'n State ramrîa police-te a tlawh

Home minister Lal­cham­liana chuan ni­min khan Mamit district chhunga Assam leh Mizo­ram inrìnaa Mizo IR police duty-na hmun Thinghlun leh Medili a tlawh.

Home Minister chuan, ramri buaina avang­in sipaite'n Krismas leh kum­thar pawh an chhungte bulah hmang thei loin ramri-ah an duty a ngaih thu a sawi a, "Ramrite uluk taka venhim a pawimawh," a ti.

Khawtlang hruai­tute'n mamawh an thlen chungchangah Lalchamliana chuan, sorkarin a ṭul anga hma a lâk tur thu a sawi. Ramria police duty-te chu pawisa leh silpauline a hlân a ni.

Home Minister hi DIG (NR) Lalbiakthanga Khiangte leh 4th IR commandant Lallian­mawia ten an ṭawiawm.