Saitual MZP leh ṭhalaiin duh

Saitual Ṭhalai Pawl leh MZP chuan thuchhuah inṭâwm siamin, National Highway 102B (Tuivai-Keifang) siam turin Saitual VC area paltlang ngei se an duh thu an tarlang.

Saitual Ṭhalai Pawl leh MZP chuan, Na­tional Highways and Infrastructure Develop­ment Corporation Ltd. (NHIDCL)-te'n NH-102B (Tuivai-Keifang) an siam turah Saitual VC area hêl zawngin survey an neia an hriat thu an tarlang a, "Saitual VC area-ah ngei NH-102B hi a kaltlang theih nan survey nei ṭha leh turin thuneitute kan ngen a ni. Kan ngenna min ngaih pawimawhsak turin beiseina sang tak nen kan thlir reng a, eng pawh huamin theihtawp kan chhuah zel dawn," an ti.