SASCI hnuaia hnathawhte ṭha taka vil zui vek a ni dawn - CM

State Level SASCI Committee chu chairman Lalduhoma, chief minister hoin nimin khan Planning conference hall-ah an ṭhukhawm. Chief Minister chuan, ...... Capital Investment (SASCI) hnuaia hnathawhte chu ṭha taka vil zui vek a nih tur thu a sawi.

CM Lalduhoma chuan, sorkar laipuiin SASCI inkaihhruaina thar a siam thu sawiin, "Inkaihhruaina thar mila state-te'n project kan thehluh a ngai a, project thehluh theih hun bituk a tlem tawh avangin department-te kan chet vat vat a ngai. Hnathawhte ṭha taka vil zui vek an ni dawn," a ti a; sorkar laipuiin SASCI kalpui a tum dan tlangpui leh a ngaih pawimawh thilte a sawi bawk.

Committee member secretary Lalmalsawma Pachuau, Planning secretary chuan SASCI inkaihhruaina thar leh department-te'n hnathawh tur an thehluhte a sawifiah.

Ṭhutkhawmah hian minister pakua - K Sapdanga, Vanlalhlana, C Lalsawivunga, Lalthansanga, PC Vanlalruata, Dr Vanlal­thlana, F Rodingliana, Prof. Lalnilawma leh B Lalchhanzova bakah, adviser to chief minister (Finance) TBC Lalven­chhunga, MLA, chief secretary Dr Renu Sharma leh sorkar hotu dangte an tel.