ESIC-in health checkup camp buatsaih

Employees' State Insurance Corporation (ESIC) chuan nimin khan Nazareth Institute of Management and Technology conference hall-ah ESI scheme chungchang inzirtirna leh health checkup camp an buatsaih.

Awareness prog­ramme hi ESIC Branch Office, Aizawla assistant director David Lalfak­zuala'n a kaihruai a, New Delhi-a ESIC Head­quarters-a deputy director Priyaranjan Sinha-a'n ESI scheme leh a kaihhnawih thil pawi­mawhte a sawi­fiah.

ESI awareness & health checkup camp-ah hian ESI scheme-a inziak lut hna thawktu (employee) leh chhawrtu (employer) eng emaw zat an tel a; zawhna leh chhanna hun hman a nih bakah, a thlawna inentirna buatsaih a ni a, a thlâwnin damdawi pek a ni bawk.

ESIC hi sorkar laipuia Ministry of Labour & Employment hnuaia statutory body a ni a, ESI Act 1948 hmanga din a ni. ESI-in a huam­te chu damdawia inen­kawlna hrang hrang bakah, chetsualna vanga hliam, hna thawk thei lo leh thihna thlengin ESI-a inziak lutte leh an chhungte suma ṭanpui theih a ni.

ESI scheme hian sum­dawnna leh hnathawhna (establishment/factory) eng pawh a huam a; hna thawktu 10 chhawr chinte'n an zawm thei a ni.