Sarâng kg. 114.70 man

Aizawl Municipal Cor­po­ration hotute chuan August 22-27, 2024 chhung khan Aizawla hmun hrang hrangah hman khat daih sarâng (single use plastic) hmang an awm leh awm loh an vâi a; single use plastic kg. 114.70 an man.

AMC hotute hian Aizawl Bazarpui leh a chhehvelah te, Bethlehem Veng, Bethlehem Vengthlang, Tuithiang Veng, Zonuam, Luangmual, Durtlang Leitan leh Durtlangahte dawr eng emaw zat an enfiah a; dawrkai 26 hnen aṭangin danin zawrh leh hman a khap polythene, sarâng, disposable cup, thil tuamna, plastic hmanga siam spoon leh fork kg. 114.70 an man a, dan angin pawisa chawi turin an hriattir a ni.