Thla hnih hlawh la tawh lo
Samagra Shiksha, Mizoram hnuaia thawktute chuan thla hnih hlawh an la tawh lo a, August 2024 thla hlawh an la lo leh a nih chuan a záwnin thla thum chhung hlawh an la dawn lo.
Samagra Shiksha-a thawkte hnen aṭanga thu dawn danin, hlawh an lâk hnuhnun ber chu kumin May thla a ni a; June leh July hlawh an la la lo a ni.
Thla hnih chhung hlawh an lak loh hnuah a hlawmin thla hnih hlawh an la tlangpui ṭhin tih sawiin Samagra Shiksha-a thawkte chuan, "Thla thum chhung a zawna hlawh lak loh chu kan nei ngai meuh lo. August chhung hian June leh July hlawh la ngei ila kan duhthusam a ni," an ti.