YMA branch chanchinbu enkawltute tan Mizo ṭawng zirhona buatsaih

Central YMA leh Mizo Language Development Board chuan nimin khan CYMA Hall-ah YMA branch chanchinbu enkawltute pualin Mizo ṭawng zirhona an buatsaih a, YMA branch chanchinbu enkawltu mi 86 an tel.

Mizo ṭawng zirhona thawh khatnaah CYMA president Lalhmachhuana chuan, social media hman danah fimkhur a ṭul thu sawiin, "Mizo mipui tana him loah chuan CYMA-in hma a la zel dawn a ni," a ti a; chanchinbu hmangin ram hmelhmang nasa taka thlak danglam theih a nih avangin, ram leh hnam humhalhna lam hawi thu ziah tam a ṭul thu a sawi. MLDB chairman R Lallianzuala'n thu a sawi bawk.

Zirhonaah hian MLDB member B Lalhmunliana'n Mizo ṭawng ziah leh hman dan dik chungchang a sawi a; MLDB member Prof. Rualkhuma Colney-in Mizo ṭawng dik leh ṭha hman a pawimawh dan a sawi. Zawhna leh chhanna hun hman nghal a ni.