Anti-corruption awareness buatsaih

Mizoram Lokayukta leh MJA, Lunglei District chuan nimin khan YMA Sub-Hqrs YMA Hall-ah Anti-Corruption Awareness Campaign an buatsaih.

Campaign hi Lokayukta chairman Lalmalsawma'n a kaihruai a, Lunglei bawrhsap R Lalṭhazuala'n inlawmna thu a sawi. Lungleia sorkar department hotute leh tlawmngai pawl aiawhte an tel a; zawhna leh chhanna hun hman a ni.

Lokayukta public prosecutor R Laltharliana pawhin thu sawiin, suo moto power an neih thu leh eiru nia hriat chu an chhui nghal theih thu a sawi a, "CBI ko lut turin state phalna lak kher a ngai lo a, Lokayukta hian thuneihna a nei. Mizorama corruption awm chhan ber pakhat chu eirukna kan ngaihsak tawk loh vang te, langtlang awm loh vangte leh duham vangte a ni," a ti a; Lokayukta-ah engtik lai pawhin zualko theih a nih thu sawiin, corruption do turin mi tin a sáwm.

Lokayukta Joel Joseph Denga chuan, hlemhlêtna leh eirûkna nunpui tan Pathian malsawmna beisei theih a ni lo tih sawiin, "Pathianin dan zâwm turin min duh a, chu chu hmuingilna a ni... Civil case kan neih tam tak hi Land Revenue-te'n dikna an tlakchham vang a ni a, hei hian hmasawnna a tiṭhuanawp a ni. Mizoram hi zero corruption state-a siam turin min pui rawh u," a ti.