Roll-a inthunah fimkhur turin chah

Hnahthial district election officer Rita Lalnunmawii Pachuau, district bawrhsap chuan nimin khan DC meeting hall-ah Hnahthial district-a supervisor leh booth level officer-te puala buatsaih election training a hawng a; Mizoramah ram dang mi ráltlân an tam avangin electoral roll-a inthunah fimkhur lehzual turin mawhphurtute a chah.

Rita Lalnunmawii Pachuau chuan, electoral roll-a mi an chuan tawh chuan khua leh tui dik tak an ni tih lantirtu a nih thu a sawi a, "Ram leh hnam khawih thil a ni a, electoral roll-a chuang tawhte hi paih leh mai a har tawh ṭhin avangin kan tu leh fate tana pawi kan khawih lohna turin fimkhur a ṭul. Kan ram mi leh sa dik tak, kumtling ngeite chauh roll-ah ziak lut ang che u," a ti a; Mizoramah ram dang mi ṭhahnem tak, mahni sahimna zawnga rawn lut an awm avangin fimkhur lehzual a ṭul thu a sawi bawk.

Zirhonaah hian Hnahthiala election officer Esther Leihang-in thil pawimawh hrang hrang a sawifiah a, zawhna leh chhanna hun hman a ni.