Minister-in tuizém sem tur a vailiam

Minister C Lalrinsanga chuan nimin khan a bial, Lunglei West chhunga tui harsat zualna khaw pathuma sem tur tuizém 130 chu Buarpui PWD bangla aṭangin a vailiam.

Tuizém vailiam puala inkhawmah C Lalrinsanga chuan, Mizoramah agriculture sector tihmasawn tur leh kuthnathawktute dinhmun chawi kâng turin department-in theihtawp a chhuah zel dawn thu a sawi a, "Hmasawnna huap zau, daih rei leh tlo kan neih theih nan hmalak zel a ni a, FAO hnuaia Green-Ag: Green Landscape Implementation Unit hnuaiah Lunglei leh Mamit district-ahte hmalakna chak taka kalpui a ni," a ti.

Minister sawi danin, Van Dhan Mission kaltlangin tun hnaiah Mizoramin cheng vbc. 17 a dawn belh a, hei hi Mizoram hmun hrang hranga kut hnathawktute thar chhuah lei nan hman a ni dawn.

Tuizém vailiam tâkte chu MLA fund aṭanga lei, tui litre 1,000 dawng a ni a; Serte khuaah 50, Sertlangpui khuaah 60 leh Káwlhâwk khuaah 20 sem tur a ni.