Scheduled Tribe List siamthat dil Sorkar laipui atangin chhanna la awm lo

Mizoram sorkar chuan The Constitution (Scheduled Tribe) Order 1950 siamṭha turin sorkar laipuiah ngenna October 25, 2011 khan an thawn a, he thuziah lai thleng hian sorkar laipui aṭangin chhanna hmuh a la ni lo.

Kum 1950 a India danpuia Mizoram chhunga hnam hrang hrang chungchang ziah dan 'The Constitution (Scheduled Tribe) Order 1950' a hnam hrang hrangte hming inziah danah dik tawk lo a awma hriat a nih avangin Mizoram Legislative Assembly chuan March 24, 2011 khan offcial resolution an passed-a, hemi bawhzui hian Mizoram sorkar chuan October 25, 2011 khan Ministry of Tribal Affairs (C&LM Division) ah order siamṭha tura ngenna an thawn a ni.

Schedule Tribe List siam ṭha tur hian Home department chuan March 18, 2011 ah Assembly House-ah an thawn a, March 24 a Assembly Session-ah Home minister R Lalzirliana'n official resolution a pu lut a, resolution ah hian Any Mizo (Lushai) tih aiah Any Mizo Tribes tia thlak tura tih a ni. Sl. no. 7 (VII) a Kuki tribe hnuaia Gangte awm chu a dik lo nia hriat a nih avangin, Mizo Tribe hnuaiah awm mai se tih a ni a, Lakher leh Pawi tia lang erawh Mara leh Lai tia thlak a ni tawh.

Home department chuan an resolution hi bawhzuiin, Art & Culture department leh Autonomous District Council-te chu Schedule Tribe List a hnam hming ṭhenkhatte chu a la awm ngei em tih lo chhui chiang a, hmala turin an hriattir tawh. Ṭhenkhat chuan an chhui chianna Home department-ah hian an thehlut tawh a, thehlut lo an la awm nual bawk. The Constitution (Sche-duled Tribe) Order 1950-ah hian part XVII-ah Mizorama hnam hrang hrangte hming ziah a ni a, no 10-ah 'Any Mizo (Lushai) Tribes' tih a chuang a ni. Hetianga danpuia Mizo tih sawizaunaa Lushai/Lusei tih a inziak bik hi a dik loh avang leh Mizo hnam hrang hrangte inpumkhatna tichhe thei nia ngaih a nih avangin tunhma aṭangin tlawmngai pawlte pawhin siam ṭha turin ṭan an lo la tawh
ṭhin a, vawiin thlengin a hlawhtlinna erawh a la awm lo thung.

Zawhna chhangin Law department hotute chuan kum 1950 khan India indan hlim, dan pawh neih kum a nih avangin Scheduled Tribe List siamtute'n Mizorama scheduled tribe-te an hrechiang tawk lo a nih theih thu sawiin, "Scheduled Tribe List hi Assam sorkar hnuai aṭanga kan chhawm a nih avangin siamṭhat a ngai a ni," a ti.

The Constitution of India, (Scheduled tribe List) Order 1950, part XVII in Mizorama hnam hrang hrang a chhinchhiah dan :

1. Chakma

2. Dimasa (Kachari)

3. Garo

4. Hajong

5. Hmar

6. Khasi and Jaintia

(Including Khasi, Synteng or

Pnar, War, Bhoi or Lungdoh)

7. Any Kuki tribes, including

i) Baite or Biate

ii) Changsen

iii) Chongloi

iv) Doungel

v) Gamalhou

vi) Gangte

vii) Guite

viii) Hanneng

ix) Haolai

x) Hengna

xii) Hongsungh

xiii) Hrangkhawl or rangkhol

xiv) Jongbe

xv) Khawchung

xvi) Khawathlang or

Khothalong

xvii) Khelma

xviii) Kholhou

xix) Kipgen

xx) Kuki

xxi) Lengthang

xxii) Lhangum

xxiii) Lhoujem

xiv) Lhouvun

xxv) Lupheng

xxvi) Mangjel

xxvii) Missao

xxviii) Riang

xxix) Sairhem

xxx) Selnam

xxxi) Singson

xxxii) Sitlhou

xxxii) Sukte

xxxiv) Thado

xxxv) Thangneu

xxxvi) Uibuh

xxxvii) Vaiphei

8. Lakher

9. Man (tai- Speaking)

10. Any Mizo

(Lushai) tribes

11. Mikir

12. Any Nasa Tribes

13. pawi

14. Synteng

15. Paite