Ramri venhimna uluk zual

Firfiak pawl Islamic State nia hriatten tun hnaia Bangladesh an beih vangin, Indo-Bangla ramri bul Tlabung chhehvelah uluk leh zualin venhimna kalpui mek a ni.

Tlabung aṭanga thudawn danin, ramri vengtu Border Security Force (BSF) hotute chuan ṭhenawm ram Bangladesh-a firfiak pawlte'n pawi an khawih hnuah, venhimna an uluk lehzual tih hi an sawi a, "Ramri veng turin hmunpui lam
aṭangin sipai ṭhahnem tak dah belh an ni," an ti a, ramri-a inkalpawhna khan hrang hrang uluk taka an ven bakah, lawng lut leh chhuakte fimkhur taka endik ṭhin a nih thu an sawi.

BSF hotute sawi danin, ramria venhimna tihchak lehzualna atan hian sipai 90 vel dah belh an ni tawh. Sipai awm tharte hi ramri hrula duty-na hmun tur border outpost hrang hrangah sem darh nghal zel an ni.