KHAWTHLIR

Hrangbana College chuan nimin khan an college-ah thisen pek rûnpui an huaihawt a, zirlai mipa 53 leh hmeichhia pakuate'n Aizawl Civil Hospital (ACH) tan thisen unit 62 an pe. Wesleyan Methodist Youth Fellowship, Aizawl Circuit pawhin an din champha vawi 24-na pualin ACH Blood Bank-ah thisen unit 20 an pe a, a petute mipa 15 leh hmeichhia panga an ni.

State Referral Hospital-ah nimin khan Covid-19 vei mi pasarih dah luh thar a ni a, anni nen hripui vei vangin mi 47 enkawl mek an ni. SRH-ZMC Bulletin tarlan danin, mi 47 zinga pali chu ICU-ah enkawl an ni a, ICU-a enkawl ṭhin pakhat chu ward-ah nimin khan sawn a ni. ICU-a awm mek zinga pakhat chu ventilator hmantir zel a ni a, mi dangin hma an sâwn. Isolation ward-a awmte'n harsatna lian an nei lo.