KHAWTHLIR

Media briefing

Centre for Science & Environment chuan vawiin hian Silver Oak Hall, INC, Delhi-ah 'Media Briefing and Stakeholder Meeting on Solid Waste Management' an buatsaih dawn a, Mizoram aṭangin Vanglaini news reporter K Zothanpara a tel.

Press accreditation

Mizoram Press Accreditation Committee chu an chairman, I&PR secretary B Lalthanliana hoin nimin khan anṭhukhawm a, Mizorama thuthar thehdarhtu 130 hnenah press accreditation pek turin thutlukna an siam. Press accreditation pek turte hi Aizawl district-ah 53, Lungleiah 19, Saiha-ah 11, Lawngtlaiah panga, Serchhipah 11, Champhaiah 10, Kolasibah 11 leh Mamitah 10 an ni.

Review meeting

Environment, Forests & Climate Change dept. chuan tun hnai khan PCCF conference hall-ah review meeting an nei a, DFO zawng zawngte'n kum 2015-2016 leh kum 2016-2017 1st quarter chhunga achievement report a lem nen an sawifiah a, kum 2016-2017 a revenue target leh tun dinhmuna hmuh tawh zat sawiho nghal a ni.

ILP endik

YMA Sub-Hqrs., Lunglei hnuaia branch zawng zawngte chuan tunhnai khan an huam chhungah ṭheuh ILP endik hnatlang an nei a, ILP nei lo, dik lo leh nung tawh lo mi 17 hmu chhuakin, Lunglei Police Station-ah an hlan. Mi 17 te hi Court-ah hruai an ni a, dan angin an khaw lama thawn haw tura tih an ni.

Missionary tir chhuak

Baptist Church of Mizoram chuan Pathianni khan tun hnaia missionary atana an lak thar mi 13 tir chhuah inkhawm biak-in pathumah an buatsaih.Ramhlun South biak-inah missionary pathun, Pukpui biak-in ah missionary panga leh Ramzotlang biak-inah missionary pang tirchhuah an ni. Missionary tirh chhuah inkhawm hi BCM hruaitute'n an hman pui.