Hmun hrang hrangah kawṭhalo do beihpui hawng

Nimin khan Mizoram hmun hrang hrangah kaw-ṭhalo do beipui thlakna Intensified Diarrhoea Control Fortnight (IDCF) hawn a ni a, Lungleiah chuan Sacred Heart School-ah DC Abhijit Vijay Chau-dhari-in a hawng.

Abhijit Vijay Chau-dhuri chuan kawṭhalo laka inven chu mitin tih makmawh a nih thu sawiin, "Mahni ṭheuh kan pawimawhin, zirlai naupangte pawhin mahni zawnah tih tur pawimawh tak kan nei a ni," a ti a, zirlaite chu thianghlim zawka in enkawl tur leh ei leh in a fimkhur turin a chah.

Inkhawmah hian zir-laite tan kutsila inelna buatsaih a ni a, hemi hnu hian Dr. Johny Lalmuan-puia Tlau-in kutsil dan a zirtir nghal a ni.

Champhaiah chuan IDCF hi I&PR audito-rium-ah CMO Dr. C Lal-zir-liana hoa hawn a ni. CMO chuan nikumah IDCF hi hlawhtling taka kalpui a nih tawh thu sawiin, kuminah pawh IDCF chhung hian naupang kawṭhalo vanga thihna a thlen loh nan thawktu zawng zawngte chu inpekna thar nen hma la turin a sawm.

IDCF hi Saiha-ah chuan I&PR confe-rence hall-ah DC R Zarzo-sanga'n a hawng. Saiha DC chuan khawlum zual-laia naupang kawṭhalo leng theite awmze nei taka do dantur kawngah pawh nasa taka hmalak a nih thu a sawi. SMO Dr. Lalnunziri chuan fort-night thupui hmangin thu a sawi thung.

Lawngtlaiah chuan LADC CEM VL Hmuaka hoin DC conference hall-ah IDCF hi hawn a ni. VL Hmuaka chuan kawṭhalo do beihpui thlak tura Health dept. hmalakna chu lawmawm a tih thu sawiin, "Kawṭhalo chu tu pawhin vei thei mah se, naupangin an thihpui ber a; chuvang chuan nu leh pate'n ei leh in leh kawng eng kimah fimkhur taka fate enkawl a ṭul a ni," a ti.

Lawngtlaia beihpui thlak chhung hian primary sikul leh anganwadi centre-ahte kut sil dan a taka entirin, naupangte tan tui thianghlim in tur chhawpsak an ni ang.

Mamitah chuan IDCF hi I&PR conference hall-ah CMO Dr. Hming-than-mawii'n a hawng a, IDCF tum ber chu naupang kum 5 hnuai lam kawṭhalo natna avanga thihna umbo a nih thu a sawi.