BJP-in dawt sawiah CM Hawla an puh

BJP, Mizoram chuan thuchhuah siamin, MPCC president Lal Than-hawl-a'n 'BJP-in Hindu-a min hruai luh vek a tum' tih a sawi nia tarlangin, "Mizo-ram mipui bumna atana thu belhcian dawl lo leh phuahchawp sawi hi sim a hun ta hle," an ti.

BJP chuan March 19-20, 2016 khan Delhi-ah central minister leh party hotu liante kokhawmin, prime minis-ter Narendra Modi chuan Kris-tiante Bible chuan 'Nangmah i in hmangaih angin i vengte I hmangaih tur a ni’ a tih thu a sawi nia tarlangin, "India mipuite chu sakhaw hrang hrang kan nih anga, tumah enhrang loa, sakhaw tinte hma-sawnna atana an thawh tur thu a sawi," an ti.

Congress chu kum 20 zet Mizoramah an sor-kar tawh tih sawiin, "Kuthnathawktu 80% hamṭhatna pe miah loin vawiin ni min thlen a ni. NLUP a sem lah hi sorkarah hmuh let awm miah loin cheng vaibelchhe tam tak a sem ral tawh a; a sem mipui, a dawngtute an hlawhchham vek a ni. A chhan chu hlawhtlin tum loa mipui a vote zawnna a nih vang mai a ni," an ti.