Contractor-in lung ṭha lo an hmang tih finfiah

Kolasiba thuthar thehdarhtute chuan nimin khan Kolasib Rengtekawn thlanga UD&PA dept.-in Di Hmun Tlanga Solid Waste Management Centre an thawh mek an tlawh a, contractor pahnihin lung chhia an hmang tih an hmu chhuak.

Kolasib aṭanga thudawn danin, Solid Waste Management Centre atan UD&PA dept. chuan cheng vbc. 5 hmangin hna an thawk ṭan a, contractor 17 hnathawk tura thlan an ni a, mi 10 in hna an thawk ṭan mek. Thuthar thehdarhtute'n an tlawh lai hian contractor pahnih chuan lung ṭha lo an hmang tih hmuh chhuah a ni.

Contractor pakhat chuan lung ṭha lo hi quarter sakna tura rora atana hmanah 407 trip 2 vel a chhek khawl mek a, contractor pakhat chuan retaining wall-a boulder atan truck trip khat vel a chhek khawl a ni. Lung ṭha lote hi lung dang nen a intlawh hleih hle tih thuthar thehdarhtute chuan an finfiah a ni.

Thuthar thehdarhtute chuan lung chhiate chu hnawl turin UD&PA dept. aṭanga hnathawh viltu hnenah an ngen nghal a ni.